Day 2行程: 抵達東京成田機場--->Check in酒店--->銀座--->東京站
終於8點多到達東京成田機場!過關都非常順利快捷!
我地選擇機場去酒店既方法係Limosine Bus!因為想舒舒服服係車上訓覺!又唔洗搬行李走來走去!所以利木津巴士就最適合我地!
機場直達酒店門口大慨1.5-2小時,要視乎交通程況啦!單程每位JPY$3000!我地買來回票,回程可以選唔同酒店返回成田機場!
點解要買來回票?因為來回票JPY$6000一位,但會加送Metro 2-Day Pass!連續2日任搭地鐵!
有關於利木津巴士的詳細資料,可參考 http://www.limousinebus.co.jp/ch2/
幸運地,我地班機係delay 2小時,如果係3、4小時我地就不妙啦!
因為利木津既巴士時間,第1班係07:25,即是我地原定航班時間都好配合!
第2班車剛巧09:40,也非常配合我地delay既時間!......因為第3班車的時間是13:10!嘩~~~你叫我地4個小時去哪?
到時侯真的唯有去找其他鐵路去酒店了~~~
上車之前去便利店買左吉烈豬扒三文治+飯團充飢!隨便買都好好食!
小睡片刻之後就到Grand Hyatt Tokyo啦!
呢間酒店實在太正啦!設計新潮、位置方便、房間舒服、景觀好、服務當然也好好啦!
因為是零晨機會好累,所以把昨晚的房間都訂好了!才可以11點多就可以check in!否則要等到2點才有房間真夠累的!
旅行就是要享受喔!可能我們都從事酒店業,深深明白到"早到的客人,硬要馬上有房間入住"有多討厭!!!
說自己搭長途機有多累!說為甚麼要到2點才有房!......!?你知道自己一大早要到酒店,知道未必能有房間入住,為甚麼不多訂一個晚上呢??
入房之後開窗就見到東京鐵塔啦!!! 雖然它的位置已漸漸被晴空塔取代,但它在我心目中依然係東京代表!
呢個係茶具和mini bar既位置!
房間大而實用!張床好大好舒服呀!!
半開放式既浴室!空間很大!更設有電視!
有足夠空間放我的化妝保養品!而且燈光充足!
房間另一邊牆既設計!
貼心的收到酒店既巧克力同和果子做禮物!
休息一陣,沖個靚涼就出發去銀座食我既慶生午餐啦!
我覺得日本的鐵路有點複雜,所以全程交由Brian負責,我只負責乖乖跟他走!
所以問我搭過metro、JR?甚麼時侯換線......我通通不曉!哈哈~~~不好意思!請原諒~~~!
到日本旅遊,對我地來講最重要係租借無線上網router,那就可以隨時睇地圖搵路!隨時聯絡朋友,因為幫朋友買野可以即時send相確認!
我地用既係Telecom Square!租借6日+後備電,費用JPY$6930!可以選擇機場取機或者直接送到酒店!還機就必需到機場櫃檯歸還同付款!都算方便!
慶生午餐選在"蟹道樂"!分店有好多喔!
有好多套餐選擇,花多眼亂!!最後每人點了不同的套餐,可以試多點不同菜式!
店員熱情地幫我地合照!雖然我地係完全言語不通的!但都可憑住身體語言同簡單英文單字溝通!
就係呢個嬸嬸啦!佢好nice,幫我地影完合照就遞個相機俾Brian叫佢幫返我地影!哈哈!
我既特飲!點既時侯已經聽唔明呢杯係咩!就連飲完都唔知係咩! 不過挺好喝!
這個蒸蟹!鮮甜!最鐘意佢個蟹醋!所以買了一支返香港!
開動了!
蟹刺身!說真的,我覺得熟蟹比較好食!
蟹肉茶碗蒸!好鮮甜嫩滑!
蟹肉沙律!
連餐具擺設都好可愛!
嘩哈~~~這個忘記是甚麼!好似係焗忌廉蟹咁上下!
天婦羅蟹腳!好香酥!
這個蟹飯加上湯來食!好好味!!
蟹肉壽司!
蟹清湯!
最後係甜品喔!
好有特色的抹茶+香草雪糕!
好豐富精緻既一餐!建議大家下午來,因為菜單跟晚餐係一樣,但價錢就比較便宜的!
呢餐大慨消費JPY$8000多!
蟹道樂附近的街道!
銀座街頭!有點小雨!!風很大!!
到東京旅行,相真係影得好少!因為長時間都在逛、長時間在血拼!所以影既都係食物或者有閒手影的所見!
呢個係我對東京又愛又恨既一點!始終照片係紀錄旅行最好既方法!
係銀座逛一下就轉到東京站既一番街!
黎呢度既其中一個目的,長頸鹿紋的Tokyo Banana!
Tokyo Banana係東京的伴手禮代表,不同地方分別售賣不同的花紋!今次我要行遍每個地方每一種味道都要擁有!
我個人而言,覺得最好味係呢個!
餘下來都係血拼的行程!......
逛到餓了!就係東京車站搵到斑鳩拉麵!話說我同Brian都係拉麵控!對日本拉麵食極唔厭!
這家都係門口先購票!
拉麵最佳拍檔------冰水!解膩!解熱!
Brian除左係拉麵控仲有係蛋控~~~呢碗好好味!
我點左沾麵!麵比較煙un!夏天食沾麵比較冇咁熱同冇咁漏!大滿足!
好了~~~今天既行程就到此為止啦!我地都累翻~~~琴晚飛機上渡過都冇充足睡眠!
所以呢......生日蛋糕都未切就已經睡到像豬一樣啦!!
留言列表